Banditët është ndoshta teksti që i dha famë të gjerë njërit prej historianëve më të shquar të shek. XX. Duke hedhur dritë mbi lidhjet historike, kulturore dhe shoqërore të banditit me mjedisin në të cilin ai spikat, Hobsbawm-i arrin të nxjerrë në pah një figurë me kompleksitet shumëplanësh. "Banditi social", siç e quan autori këtë figurë, ngërthen brenda vetes aspirata dhe ideale nga më kontradiktoret, duke ushtruar ndikim të fortë në imagjinatën popullore. Në këtë tekst tashmë klasik, Hobsbawm-i na ofron nje këndvështrim krejtësisht të ri, provokues dhe hera-herës subversiv, mbi objektin e studimit të tij.

Banditet

Në këtë histori të shkëlqyer të shekullit XX, analizë e hollë e së shkuarës si mësim për të ardhmen, historiani e dijetari me famë botërore na jep portretin e një shoqërie e epoke që është në ndryshim të shpejtë e të vazhdueshëm, nën presionin e zhvillimeve ekonomike, teknologjike dhe politike. Me tri ndarjet e mëdha kronologjike, Epoka e Katastrofës, Epoka e Artë dhe Shembja e Madhe, shkruar me këndvështrimin e njeriut që beson në arsyen dhe në shkencën e, po aq, dhe në mundësinë e përmirësimit të së ardhmes së njerëzimit, ky libër përshkohet tej e tej nga analiza e thellë, arsyetimi bindës dhe gjykimi i guximshëm për çështje si: shembja e Botës së Vjetër, Lufta e Ftohtë, ndikimi i Botës së Tretë. Duke renditur faktet e shekullit XX akademiku Hobsbawm paralajmëron fuqishëm për të papriturat që Mijëvjeçari i ri ruan për njerëzimin, nëse ky nuk do të dijë të zgjedhë shtigje të reja ku të ecë drejt të ardhmes.

Epoka E Ekstremeve

Shumë nga traditat të cilat i mbajmë si me origjinë të lashtë, në fakt janë shpikur relativisht së fundi. Ky libër hulumton disa raste të këtij procesi shpikjeje: krijimi i "kulturës kombëtare" të Uellsit dhe Skocisë; përpunimi i ritualeve mbretërore britanike të shekujve XIX dhe XX; origjina e ritualeve perandorake në Indinë britanike dhe Afrikë; dhe përpjekjet e lëvizjeve radikale për të zhvilluar kundërtraditat e tyre. Ky libër, me shtrirje kaq të gjarë, synon të hetojë ndërveprimin kompleks të së shkuarës me të tashmen, në një studim brilant të ritualit dhe simbolizmit. Lexuesi shqiptar nuk do ta ketë të vështirë të vërejë mekanizmat e shpikjes së traditave dhe përdorimin e tyre edhe në diskursin bashkëkohor shqiptar për të legjitimuar ekzistencën dhe veprimet e shtetit – komb modern.

Lista e librave të autorit Eric Hobsbawm

Banditet

Epoka E Ekstremeve

Shpikja E Tradites

Banditet

Epoka E Ekstremeve

Shpikja E Tradites